سرکاری اعداد و شمار کے مطابق 8 مہینوں میں معیشت ہر شعبے میں پیچھے گئی، فواد چوہدری

20 نومبر ، 2022

پاکستان تحریک انصاف (پی ٹی آئی) کے رہنما فواد چوہدری کا کہنا ہے کہ سرکاری اعداد و شمار کے مطابق 8 مہینوں میں معیشت ہر شعبے میں پیچھے گئی۔

اسلام آباد میں میڈیا سے گفتگو کرتے ہوئے فواد چوہدری نے کہا کہ گزشتہ ایک سال کے دوران مشینری کی درآمد میں 48 فیصد کمی ہوئی، اکتوبر 2021 تا اکتوبر 2022 پاکستان کے غیر ملکی زرمبادلہ ذخائر 51 فیصد کم ہوئے۔

فواد چوہدری نے کہا کہ گزشتہ ایک سال کے دوران بےروزگاری میں 22.5 فیصد اضافہ ہوا، رواں سال مارچ تا ستمبر پاکستان کی برآمدات میں 19 فیصد کمی واقع ہوئی۔

پی ٹی آئی رہنما نے کہا کہ گزشتہ سات مہینوں میں آئی ٹی کی برآمد میں 21 فیصد کمی آئی، اکتوبر 2021 تا اکتوبر 2022 ٹیکسٹائل کی برآمدات میں 15فیصد کمی ہوئی۔

قومی خبریں سے مزید