الیکشن کمیشن کو آج بلدیاتی انتخاب کا اعلان کرنا چاہیے، حافظ نعیم الرحمٰن

امیر جماعت اسلامی کراچی حافظ نعیم الرحمٰن کا کہنا ہے کہ الیکشن کمیشن کو آج بلدیاتی الیکشن کا اعلان کرنا چاہیے، آج 11 بجے فیصلہ ہونا تھا ہم انتظار کر رہے ہیں، الیکشن کمیشن نے پھر 3 بجے کا اعلان کیا۔

کراچی میں پریس کانفرنس کرتے ہوئے حافظ نعیم الرحمٰن نے کہا کہ بات سمجھ سے بالا تر ہے، شہر کے بلدیاتی ادارے تباہ ہیں، شہر کو میئر کی ضرورت ہے جس سے شہری پوچھ سکیں، لگ رہا ہے کہ الیکشن کمیشن کسی کی طرف دیکھ رہا ہے۔

حافظ نعیم الرحمٰن کا کہنا ہے کہ پیپلز پارٹی، ایم کیو ایم اور پی ٹی آئی تینوں الیکشن نہیں چاہتی ہیں، ایم کیو ایم نے چوراہے پر کھڑے ہو کر اپنی قیمت لگائی ہے۔

الیکشن کمیشن کراچی میں بلدیاتی انتخابات کا فیصلہ آج سنائے گا

کراچی کراچی میں بلدیاتی انتخابات کب تک ہوں گے...

انہوں نے کہا کہ انتخاب میں ایم کیو ایم اور پی پی دونوں کو شکست نظر آ رہی ہے، سعید غنی دیگر جماعتوں کے افراد کو زبردستی پارٹی میں شامل کر رہے ہیں۔

ان کا یہ بھی کہنا ہے کہ کے الیکٹرک کو ادائیگیاں کرنے کی سازش کی گئی ہے۔

واضح رہے کہ الیکشن کمیشن کراچی میں بلدیاتی انتخابات سے متعلق فیصلہ سہ پہر تین بجے سنائے گا۔

سندھ ہائی کورٹ نے کراچی اور حیدرآباد میں بلدیاتی انتخابات دو ماہ کے اندر اندر کرانے کا حکم دیا تھا، سندھ میں بلدیاتی انتخاب کا دوسرا مرحلہ دو بار ملتوی کیا جاچکاہے۔