عمران خان کی لاہور سے راولپنڈی روانگی کی تیاریاں مکمل، پارٹی ذرائع

پاکستان تحریک انصاف (پی ٹی آئی) نے چیئرمین عمران خان کی کل لاہور سے راولپنڈی روانگی کی تیاریوں کو حتمی شکل دے دی۔

پی ٹی آئی ذرائع کے مطابق عمران خان کل دوپہر 1 تا 2 بجے کے درمیان زمان پارک لاہور سے راولپنڈی کے لیے روانہ ہوں گے۔

پی ٹی آئی جلسہ، راولپنڈی میں ریڈ کوڈ نافذ، ریسکیو اہلکاروں کی اسپیشل ڈیوٹی لگ گئی

پاکستان تحریک انصاف (پی ٹی آئی) جلسے کے حوالے سے حکام نے تاحکم ثانی ریسکیو 1122 کو ہائی الرٹ کردیا ہے۔

ذرائع کے مطابق عمران خان اپنی لاہور کی رہائشگاہ سے سخت سیکورٹی حصار میں ایئرپورٹ پہنچیں گے اور وہاں سے بذریعہ ہیلی کاپٹر راولپنڈی روانہ ہوں گے۔

پارٹی ذرائع کے مطابق عمران خان کے ہمراہ ہیلی میں ڈاکٹرز بھی ہوں گے۔

ذرائع کے مطابق راولپنڈی میں 26 نومبر کو پی ٹی آئی دھرنا دے گی یا جلسہ کرے گی؟ اس کا حتمی اعلان کل عمران خان کریں گے۔

پارٹی ذرائع کے مطابق عمران خان حقیقی آزادی مارچ میں اپنے آئندہ کے لائحہ عمل سے بھی آگاہ کریں گے۔