سعودی کھلاڑیوں کو مہنگی گاڑی کا تحفہ ملنے کی خبر مضحکہ خیز ہے، صالح الشہری

سعودی عرب کی فٹ بال ٹیم کے کھلاڑی صالح الشہری نے ارجنٹینا سے میچ کی فتح کے بعد ٹیم ممبران کو مہنگی گاڑیاں ملنے کی خبر کو مضحکہ خیز قرار دیا ہے۔

دلچسپ مقابلہ، پولینڈ نے سعودی ٹیم کو 0-2 سے ہرادیا

فیفا ورلڈ کپ 2022ء قطر کے گروپ سی کے اہم ترین میچ میں پولینڈ نے سعودی عرب کو 2 صفر سے ہرا دیا۔

قطر میں میڈیا سے گفتگو میں صالح الشہری نے کہا کہ عرب میڈیا کی قومی ٹیم کے کھلاڑیوں کو مہنگی گاڑیاں ملنے کی اطلاعات مضحکہ خیز ہیں۔

انہوں نے کہا کہ سعودی قومی ٹیم کا ہر کھلاڑی اپنے وطن کو ایونٹ میں کامیابی دلانے کےلیے کھیل رہا ہے۔

فٹ بال ورلڈ کپ میں دو مرتبہ کی عالمی چیمپئن ارجنٹینا کو ایونٹ میں اپنے پہلے ہی میچ میں شکست دینے کے بعد سوشل میڈیا پر سعودی ٹیم کے ہر کھلاڑی کو تحفے میں قیمتی گاڑی دینے کی خبر زیر گردش تھی۔

فیفا ورلڈکپ میں اپ سیٹ، سعودی عرب کی ارجنٹینا کو شکست

فیفا ورلڈکپ 2022 میں پہلا اور بہت بڑا اپ سیٹ ہوگیا جہاں سعودی عرب نے ارجنٹینا کو ایک مقابلے میں دو گولز سے ہرادیا۔

صالح الشہری نے ان خبروں پر تبصرہ کیا اور کہا کہ یہ سب کچھ سچ نہیں ہے، ہم یہاں بہتر طریقے سے ملک کی خدمت کرنے آئے ہیں، یہی ہمارا اعزاز ہے۔

سعودی فرمانروا شاہ سلمان بن عبدالعزیز نے فٹ بال ورلڈ کپ میں قومی ٹیم کی شاندار فتح پر ایک دن کی چھٹی کا اعلان بھی کیا تھا۔