• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مظفرآباد : بلدیاتی انتخابات کے مکمل نتائج جاری، کس پارٹی کو کتنی نشستیں ملیں؟

تازہ ترین
قومی خبریں
28 نومبر ، 2022
مظفرآباد : بلدیاتی انتخابات کے مکمل نتائج جاری، کس پارٹی کو کتنی نشستیں ملیں؟

مظفرآباد میں چیف الیکشن کمشنر عبدالرشید سلہریا نے بلدیاتی انتخابات کے مکمل نتائج کا اعلان کردیا، جس کے مطابق ممبر ڈسٹرکٹ کونسل کی 21 نشستوں پر تحریک انصاف نے 9 نشستیں حاصل کیں، پیپلز پارٹی4، مسلم لیگ ن 3، آزاد امیدوار4 اور مسلم کانفرنس 1 نشست حاصل کرنے میں کامیاب ہوئی۔

چیف الیکشن کمشنر کے مطابق ممبر یونین کونسل کی 142 نشستوں میں 26 آزاد امیدوار کامیاب ہوئے، ممبر یونین کونسل میں  پی پی 39، ن لیگ 36، پی ٹی آئی نے بھی 36 نشستیں  حاصل کیں۔

بلدیاتی انتخاب میں تمام سیاسی جماعتوں نے تعاون کیا، چیف الیکشن کمشنر آزاد کشمیر

سیکرٹری الیکشن کمیشن آزاد کشمیر نے کہا کہ تمام نشستوں کے نتائج ریٹرننگ افسران کی تصدیق کے بعد جاری ہو رہے ہیں۔

 ممبر یونین کونسل کے انتخاب میں مسلم کانفرنس نے 4 اور تحریک لبیک نے ایک نشست جیتی۔

میونسپل کارپوریشن کی 36 نشستوں پر 7 آزاد امیدوار کامیاب ہوئے،  میونسپل کارپوریشن کے انتخاب میں مسلم لیگ ن 12،  پی ٹی آئی 8 نشستوں پر کامیاب ہوئی۔

میونسپل کارپوریشن انتخاب میں پی پی 7، پی ٹی آئی، مسلم کانفرنس کو مشترکہ 2 نشستیں ملیں، جبکہ ممبرمیونسپل کمیٹی کی  2 نشستوں پر  ن لیگ اور پی ٹی آئی ایک ایک نشست میں کامیاب ہوئی۔

ممبر ٹاؤن کمیٹی کی 4 نشتسوں پر ن لیگ کو 3 نشستوں پر کامیابی حاصل ہوئی، جبکہ حکمران جماعت پی ٹی آئی کے حصے میں صرف 1نشست آئی۔

قومی خبریں سے مزید