ابا جان کے مالی حالات اچھے نہ ہونے کے باعث بچپن ناآسودگی میں گزرا، عامر خان

بالی ووڈ سپر اسٹار عامر خان نے کہا کہ ان کے والد مالی طور پر کچھ اچھی پوزیشن میں نہیں تھے اور وہ ان پر (عامر خان پر) کبھی رقم خرچ نہیں کی، انھوں نے انکشاف کیا کہ اگر کوئی مجھے رقم ادھار دیتا تو والد صاحب ان لوگوں سے لڑتے تھے، اس کی وجہ یہ تھی کہ ابا جان کے پاس اتنی رقم نہیں تھی کہ وہ میرا یہ قرض لوٹاسکیں۔

اپنے ایک حالیہ انٹرویو میں بالی ووڈ کے مسٹر پرفیکشنسٹ کا کہنا تھا کہ انکی ابتدائی زندگی مالی ناآسودگی کا شکار رہی کیونکہ ان کے خاندان کو سخت مالی مسائل درپیش تھے۔

سدھو موسے والا کا قتل سو فیصد سرکار کی نالائقی اور ناکامی ہے، دلجیت دوسانج

بھارتی گلوکار، اداکار، فلم پروڈیوسر اور ٹیلی ویژن پریزنٹر دلجیت دوسانج نے رواں برس مئی میں قتل ہونے والے بھارتی پنجاب کے ریپر، گلوکار، گیت نگار اور اداکار شبھدیپ سنگھ سدھو عرف سدھو موسے والا کے قتل پر گفتگو کرتے ہوئے کہا کہ یہ سو فیصد سرکار کی نالائقی اور ناکامی ہے۔

تھری ایڈیٹ اور لگان جیسی بلاک بسٹر فلموں کے مرکزی کردار اور عہد حاضر کے ہندی سینما  کے بڑے اداکار عامر خان کے والد پروڈیوسر طاہر حسین کو سخت مالی معاملات کا سامنا رہا۔

اس کی وجہ یہ تھی کہ ان کی فلمیں فلاپ ہوجاتی تھیں، حالانکہ ان کی چند فلمیں باکس پر اچھی بھی ثابت ہوئیں لیکن پھر بھی مالی مسائل رہے اور ابا جان کے مالی مسائل دیکھ کر ہمیں تکلیف ہوتی تھی، اس کی ایک وجہ یہ بھی ہے کہ وہ بہت سادہ آدمی تھے۔ 

اکثر اباجان کے پاس ان لوگوں کے فون آتے تھے، جن سے پیسے لیے تھے، ان کا فون پر جھگڑا شروع ہوجاتا تھا اور وہ کہتے تھے کہ میں کیا کروں، میرے پاس پیسے نہیں ہیں، میری فلمیں اٹکی ہوئی ہیں، اداکاروں کو کہیں کہ ڈیٹ دیں۔

واضح رہے کہ عامر خان کی اس برس اگست میں آخری فلم لال سنگھ چڈھا ریلیز ہوئی، لیکن فلم باکس آفس پر ناکام رہی۔