• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بینک آف بیلجیئم کو دوسری جنگ عظیم کے بعد اپنا پہلا بڑا نقصان ہوگا، نوٹس

حافظ انیب راشد
تازہ ترین
بین الاقوامی خبریں
08 دسمبر ، 2022
فائل فوٹو
فائل فوٹو

دوسری جنگ عظیم کے بعد نیشنل بینک آف بیلجیئم (BNB) پہلی مرتبہ نقصان میں جائے گا۔

بی این بی (BNB) کی جانب سے جاری کردہ نوٹس میں عوام کو مطلع کیا گیا ہے کہ بینک کو دوسری جنگ عظیم کے بعد اپنا پہلا بڑا نقصان ہوگا۔

نوٹس کے مطابق بینک کو 2027 تک منفی سرمائے کی پوزیشن کے ساتھ اپنے معاملات کو سنبھالنے پر مجبور ہونا پڑے گا۔

اپنے اعلامیے میں بینک نے مزید بتایا کہ اسے موجودہ مالی سال میں 600 ملین یورو سے لے کر 800 ملین یورو کے نقصان کی توقع ہے۔

بینک نے مزید آگاہ کیا کہ وہ اس نقصان سے نمٹنے کے لیے پہلی مرتبہ اپنے €7.08 بلین کے موجودہ مالیاتی ذخائر کو استعمال کرے گا۔

یاد رہے کہ بیلجیئم میں اس وقت مہنگائی کی شرح 12/11 فیصد کے قریب پہنچ گئی ہے۔

مرکزی بینک کی اس صورتحال کے بعد مالیاتی ماہرین نے ملک میں شرح سود میں اضافے کا خدشہ بھی ظاہر کیا ہے۔

بین الاقوامی خبریں سے مزید