بھارتی انتہاپسندوں کو شاہ رخ خان کا کرارا جواب

فلم ’پٹھان‘ کے بائیکاٹ کا اعلان کرنے والے بھارتی انتہا پسندوں کو شاہ رخ خان نے فلمی انداز میں کرارا جواب دے دیا۔

شاہ رخ خان کا کہنا تھا کہ دنیا جو کچھ بھی کرلے میں، آپ اور جتنے بھی مثبت لوگ ہیں سب کے سب زندہ ہیں۔

بھارت میں شاہ رخ خان کی فلم ’پٹھان‘ کیخلاف شدید مظاہرے

بالی ووڈ کنگ شاہ رخ خان کی فلم’پٹھان‘ کے خلاف بھارتی ریاست مدھیا پردیش اندور میں شدید مظاہرے کیے گئے ہیں۔

شاہ رخ خان کی نئی فلم پٹھان کے گیت میں ہیروئن دیپیکا پڈوکون کے زعفرانی لباس کو وجہ بنا کر بھارتی انتہا پسندوں نے فلم کے بائیکاٹ کا اعلان کیا تھا۔

شاہ رخ خان نے کولکتا انٹرنیشنل فلم فیسٹول 2022 میں خطاب کے دوران اپنی فلم پٹھان کے بائیکاٹ پر مبنی سوشل میڈیا بالخصوص ٹوئٹر پر ٹرینڈ کے حوالے سے اظہار خیال کیا۔

انہوں نے فلم پٹھان کا حوالہ تو نہیں دیا البتہ ان کے مخاطب سوشل میڈیا پر تنگ نظری پر مبنی خیالات کے حامل افراد تھے۔

بھارتی وزیر نے شاہ رخ خان اور دیپیکا پڈوکون کے کپڑوں پر اعتراض کردیا

بھارت کی ریاست مدھیا پردیش کے وزیر داخلہ نے بالی ووڈ سپر اسٹار شاہ رخ خان کی فلم پٹھان کا نیا گانا سامنے آنے کے بعداس میں اداکارہ دیپیکا پڈوکون کے کپڑوں پر اعتراض کردیا۔

شاہ رخ خان نے منفی خیالات رکھنے والوں کو چیلنج کرتے ہوئے کہا کہ مجھے اس پر کوئی اعتراض نہیں لیکن دنیا کچھ بھی کرلے میں، آپ اور جتنے بھی مثبت خیالات رکھنے والے لوگ زندہ ہیں۔

ان کا یہ آخری جملہ دراصل فلم پٹھان کے ایک کردار کے انداز پر مبنی ہے۔ جس پر وہاں موجود لوگوں کے جم غفیر نے زبردست تالیاں بجائیں۔ 

اس فیسٹول کے افتتاح کے موقع پر مغربی بنگال کی وزیر اعلیٰ ممتا بینر جی سمیت بالی ووڈ کے بڑے اسٹارز بشمول امیتابھ بچن، جیا بچن اور رانی مکھرجی سمیت کئی شخصیات شریک تھیں۔ 

واضح رہے کہ سدھارتھ آنند کی ہدایتکاری میں بننے والی فلم پٹھان میں دیپیکا پڈوکون اور جان ابراہم بھی شامل ہیں اور یہ آئندہ برس 25 جنوری 2023 کو ریلیز ہوگی۔