کے پی میں عدم اعتماد کا کوئی خطرہ نہیں، بیرسٹر سیف

خیبرپختون خوا کے معاون خصوصی برائے اطلاعات بیرسٹر سیف نے کہا ہے کہ ان کے صوبے میں پی ٹی آئی کی پوزیشن مضبوط ہے، عدم اعتماد کا کوئی خطرہ نہیں۔

جیو نیوز کے پروگرام نیا پاکستان میں بات چیت کرتے ہوئے انہوں نے کہا کہ اسمبلیاں توڑنے کے معاملے پر پرویز الہٰی نے بہت اچھا کردار ادا کیا ہے۔

اسمبلیاں تحلیل کرنےکیلئے 6 دن کا وقفہ کیوں؟ فواد نے بتا دیا

فواد چوہدری نے کہا کہ اسمبلیاں تحلیل کرنے کیلئے 6 دن کا وقفہ اس لیے لیا ہے کیوں کہ اس دوران ہمیں قومی اسمبلیوں کے استعفوں کیلئے کارروائی کرنی ہے۔

ترجمان وزیراعلیٰ پنجاب فیاض الحسن چوہان نے کہا کہ کافی دنوں سے یہ کہا جارہا تھا کہ پرویز الہٰی عمران خان کا ساتھ چھوڑ کر جائیں گے، مگر ایسا کچھ نہیں ہوا۔

ان کا کہنا تھا کہ ق لیگ کے ساتھ ایڈجسٹمنٹ ہوسکتی ہے، (ن) لیگ کی سیٹیں (ق) لیگ کو مل جائیں گی تو کوئی مسئلہ نہیں۔

پی ٹی آئی رہنما فواد چودھری نے کہا کہ 6 دن کا وقفہ اس لیے کہ قومی اسمبلی کے استعفوں کیلئے کارروائی کرنی ہے۔