بلاول بھٹو کی گرفتاری کی خبر حقائق کے منافی ہے، ترجمان دفتر خارجہ

دفتر خارجہ کی ترجمان ممتاز زہرا بلوچ کا کہنا ہے کہ وزیر خارجہ بلاول بھٹو زرداری کی گرفتاری کی خبر جھوٹ اور حقائق کے منافی ہے۔

ایک بیان میں ترجمان دفتر خارجہ نے کہا کہ بلاول بھٹو زرداری کی گرفتاری کے سوال کی کسی سنجیدہ صحافی سے توقع نہیں تھی۔

انہوں نے کہا کہ وزیرِ خارجہ بلاول بھٹو زرداری نے 6 ماہ میں 16 ممالک کے دورے کیے، انہوں نے سعودی عرب، متحدہ عرب امارات اور چین کے دورے کیے۔

کالعدم ٹی ٹی پی پاکستان کیلئے ریڈ لائن ہے، وزیرِ خارجہ بلاول بھٹو

وفاقی وزیر خارجہ بلاول بھٹو زرداری کا کہنا ہے کہ کالعدم ٹی ٹی پی پاکستان کے لیے ریڈ لائن ہے

ترجمان دفتر خارجہ کا کہنا ہے کہ وزیر خارجہ بلاول بھٹو نے سوئٹزرلینڈ، ترکیہ، ازبکستان، کمبوڈیا، امریکا، جرمنی، چین، مصر، انڈونیشیا اور سنگاپور کے دورے کیے۔

واضح رہے کہ حالیہ دنوں بلاول بھٹو زرداری دورے پر امریکا گئے ہیں۔