عمران خان پر حملہ کرنیوالے ایک سے زائد تھے: مصدق عباسی

26 دسمبر ، 2022

وزیرِ اعلیٰ پنجاب چوہدری پرویز الہٰی کے مشیر برائے احتساب مصدق عباسی نے دعویٰ کیا ہے کہ عمران خان پر حملہ کرنے والے ایک سے زائد لوگ تھے، کتنے یہ بات سامنے آنا باقی ہے۔

یہ بات وزیرِ اعلیٰ پنجاب چوہدری پرویز الہٰی کے مشیر برائے احتساب مصدق عباسی نے لاہور میں عمر سرفراز چیمہ کے ہمراہ پریس کانفرنس کرتے ہوئے کہی ہے۔

ان کا کہنا ہے کہ ملزم کا پولی گرافک ٹیسٹ کرایا گیا، ملزم نوید رٹا رٹایا بیان پڑھتا ہے، پولی گرافک ٹیسٹ رپورٹ حاصل کر لی گئی ہے۔

مصدق عباسی نے بتایا کہ ملزم نوید تربیت یافتہ حملہ آور ہے، پولی گرافک رپورٹ کے مطابق نوید نے جواب دیا کہ عمران خان پر حملہ کرنا تھا۔

انہوں نے مزید کہا کہ حملہ آور کو عمران خان پر حملے کی تربیت دی گئی تھی، فرانزک ٹیسٹ میں عمران خان کے گارڈز کے اسلحے کو کلیئر کیا گیا ہے۔

وزیرِ اعلیٰ پنجاب کے مشیر برائے احتساب مصدق عباسی کا یہ بھی کہنا ہے کہ زبیر نیازی نے جے آئی ٹی کو جوائن نہیں کیا، عمران خان اور زبیر نیازی جے آئی ٹی میں اس لیے شامل نہیں ہو رہے کہ وہ ہائی کورٹ گئے ہوئے ہیں۔

قومی خبریں سے مزید