وزیراعظم شہباز شریف کی لیگی ایم این اے محمد اشرف کی گرفتاری کی شدید مذمت

وزیراعظم شہباز شریف نے مسلم لیگ (ن) کے ایم این اے محمد اشرف کی گرفتاری کی شدید مذمت کی ہے۔

انہوں نے کہا کہ ساہیوال سے رکن قومی اسمبلی محمد اشرف کی گرفتاری سیاسی انتقام ہے، عمران خان کے کہنے پر اینٹی کرپشن کو سیاسی انتقام کے لیے استعمال کیا جا رہا ہے۔

وزیراعظم کا کہنا تھا کہ پی ٹی آئی آج بھی سیاسی انتقام کی منفی روش پر کاربند ہے، چار سال آپ یہ سب کر کے دیکھ چکے ہیں، سیاسی انتقام کا ملک اور عوام کو ناقابلِ تلافی نقصان ہوا۔

انہوں نے کہا کہ نیب، ایف آئی اے کی طرح اب اینٹی کرپشن کو استعمال کرنا افسوسناک ہے۔ مخالفین کو دھمکانے کے بجائے عوامی مسائل پر توجہ دینے کی ضرورت ہے۔