• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لاہور: ضلعی انتظامیہ کا روٹی کی قیمت بڑھانے سے انکار

—فائل فوٹو
—فائل فوٹو

لاہور کی ضلعی انتظامیہ نے نان اور روٹی کی قیمت بڑھانے کی اجازت دینے سے انکار کر دیا۔

ذرائع کے مطابق نان بائی ایسوسی ایشن نے نان اور روٹی کی قیمت میں اضافے کے لیے ضلعی انتظامیہ کو درخواست دی تھی۔

ذرائع نے بتایا ہے کہ تندور مالکان نان کی قیمت 35 روپے جبکہ روٹی کی قیمت 25 روپے مقرر کرنا چاہتے ہیں۔

اس ضمن میں تندور مالکان کا مؤقف ہے کہ آٹے کا 15 کلو والا تھیلا 1900 روپے کا ہو گیا ہے، جبکہ فائن آٹے کی بوری کے نرخ 10 ہزار 800 روپے ہوگئے ہیں۔

تندور مالکان کا کہنا ہے کہ آٹا مہنگا ہونےکی وجہ سے نان اور روٹی موجودہ قیمت پر فروخت نہیں کر سکتے۔

لاہور کی ضلعی انتظامیہ کے اجازت نہ دینے پر نان بائی ایسوسی ایشن نے اجلاس بلا لیا۔

ذرائع کے مطابق اجلاس میں نان اور روٹی کی قیمت ازخود بڑھانے پر غور کیا جائے گا۔

تجارتی خبریں سے مزید