حبیب اللّٰہ سہاگ میٹرک بورڈ کراچی کے قائم مقام ناظم امتحانات مقرر

ڈپٹی کنٹرولر بورڈ آف سیکنڈری ایجوکیشن کراچی (بی ایس ای کے) حبیب اللّٰہ سہاگ کو قائم مقام ناظم امتحانات مقرر کردیا گیا ہے۔ 

ان کی تقرری وزیر جامعات و بورڈز سندھ اسماعیل راہو کی ہدایت پر چیئرمین بورڈ شرف علی شاہ نے کی۔ 

حبیب اللّٰہ سہاگ کو عمران بٹ کی جگہ میٹرک بورڈ کا قائم مقام ناظم امتحانات مقرر کیا گیا ہے جس کا باقاعدہ نوٹیفکیشن بھی جاری کردیا گیا۔

واضح رہے کہ عمران بٹ اب ڈپٹی کنٹرولر کی ذمہ داریاں ادا کریں گے۔