تمام سیاسی قوتیں متفقہ طور پر دہشت گردی کے خاتمے کے ایجنڈے پر جمع ہوں، وفاقی کابینہ

وفاقی کابینہ نے دہشت گردی کے خاتمے کے ایجنڈے پر تمام سیاسی قوتوں کے متفتہ طور پر جمع ہونے کی خواہش ظاہر کردی۔

وزیراعظم شہباز شریف کی زیر صدارت وفاقی کابینہ کا اجلاس ہوا، جس کا اعلامیہ جاری کردیا گیا۔

اعلامیے کے مطابق کابینہ اجلاس میں پشاور پولیس لائنز مسجد خودکش حملے کے خلاف مذمتی قرارداد منظور کی گئی۔

ریاست پاکستان کا سانحہ پشاور پر خون کے ایک ایک قطرے کا حساب لینے کا عزم

ریاست پاکستان نے سانحہ پشاور پر خون کے ایک ایک قطرے کا حساب لینے کادو ٹوک عزم کرلیا۔

اعلامیے میں کہا گیا کہ وفاقی کابینہ پشاور سانحے کے تمام متاثرہ خاندانوں سے دلی تعزیت اور ہمدردی کرتی ہے، پوری قوم شہداء کے اہلخانہ کے غم میں برابر کی شریک ہے۔

وفاقی کابینہ نے کہا کہ تمام سیاسی قوتوں کا دہشت گردوں کے خلاف قومی اتحاد وقت کی ضرورت ہے۔

اعلامیے کے مطابق کابینہ اجلاس میں کہا گیا کہ تمام سیاسی قوتیں متفقہ طور پر دہشت گردی کے خاتمے کے ایجنڈے پر جمع ہوں، قومی دفاع، سلامتی اور امن و معیشت کے تقاضوں کا موثر انداز میں تحفظ یقینی بنائیں گے۔

ہم نے بطور ریاست طالبان کے اقتدار پر جشن منایا، محسن داوڑ

رکن قومی اسمبلی محسن داوڑ نے کہا ہے کہ ہم نے بطور ریاست افغان طالبان کے اقتدار پر جشن منایا۔

کابینہ اجلاس میں کہا گیا کہ اللّٰہ کے گھر میں مسلمانوں کو نشانہ بنانے والے انسان کہلانے کے حقدار نہیں، ایسے واقعات قطعاً حرام اور اسلامی احکامات کے خلاف ہیں۔

اعلامیے کے مطابق کابینہ اجلاس میں فیصلہ ہوا کہ دہشت گردی کی ہر قسم کا مکمل خاتمہ کیا جائے گا، خیبر پختونخوا پولیس اور کاؤنٹر ٹیررازم ڈپارٹمنٹ (سی ٹی ڈی) کی تنظیم نو کی جائے گی۔

کابینہ اجلاس میں طے پایا کہ فورسز کو معیاری تربیت، جدید اسلحہ سمیت ضروری ساز و سامان فراہم کیا جائے گا۔