سعودی عرب، ٹرانزٹ ویزے کا اجراء شروع

جدہ (شاہدنعیم )جدہ کے کنگ عبدالعزیز انٹرنیشنل ایئرپورٹ، ریاض کے کنگ خالد انٹرنیشنل ایئرپورٹ اور مدینہ منورہ کے شہزادہ محمد بن عبدالعزیز انٹرنیشنل ایئرپورٹ پر پہلی مرتبہ چار روز کے مفت عبوری ویزٹ ویزا کی سہولت پر عمل شروع ہوگیا۔ بائی ایئر آنے والے مسافروں نے ویزٹ ویزا سے فائدہ اٹھایا ہے۔سعودی محکمہ پاسپورٹ نے تمام انٹرنیشنل ایئر پورٹس پر اہل انسانی کیڈرز اور تکنیکی آلات کی مدد سے آنے والوں کے لیے وزٹ ویزا حاصل کرنے والوں کو الیکٹرانک طور پر خدمات فراہم کرنے کی اپنی تیاری کی تصدیق کردی۔ اس ویزا کی معیاد 90 دن ہے اور اس ویزا پر سعودی عرب میں 4 دن تک مقیم رہا جا سکتا ہے،ویزا رکھنے والے سعودی عرب کے مختلف علاقوں میں گھوم پھر سکتے اور مختلف تقریبات میں شرکت کر سکتے ہیں۔