وزیراعظم نے وکی پیڈیا پر سے پابندی فوری ہٹانے کی ہدایت کردی

وزیراعظم شہباز شریف نے پاکستان ٹیلی کمیونیکیشن اتھارٹی (پی ٹی اے) کی جانب سے وکی پیڈیا پر لگائی گئی پابندی فوری ہٹانے کی ہدایت کر دی۔

اعلامیے کے مطابق وزیر اعظم نے اس معاملے پر 5 رکنی کمیٹی بھی قائم کر دی، وفاقی وزیر آئی ٹی امین الحق کمیٹی کی صدارت کریں گے۔

وزارت آئی ٹی کابینہ کمیٹی کی معاونت کرے گی، کمیٹی ایک ہفتے کے اندر اپنی سفارشات کابینہ کے سامنے پیش کرے گی۔

اعلامیے کے مطابق وزیراعظم نے 3 رکنی وزارتی کمیٹی کی سفارش پر وکی پیڈیا بحال کرنےکی ہدایت کی، کمیٹی وزیر قانون، وزیر اقتصادی امور اور وزیر اطلاعات پر مشتمل تھی۔