• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پولیس نے پرویز الہٰی کی رہائشگاہ پر چھاپے کی وجہ بتادی

تازہ ترین
قومی خبریں
07 فروری ، 2023
اسکرین گریب
اسکرین گریب

گجرات میں سابق وزیراعلیٰ پنجاب پرویز الہٰی کی رہائش گاہ پر چھاپے سے متعلق پولیس کا کہنا ہے کہ چھاپہ وجاہت حسین اور ان کے بیٹے موسی الہٰی کی گرفتاری کے لیے مارا گیا۔

پولیس نے بتایا کہ چھاپہ مار کارروائی میں سابق وزیراعلیٰ پنجاب پرویز الہٰی کے گھر کی تلاشی بھی لی گئی ہے۔

پرویز الہٰی کے گھر پر چھاپہ، اہلکار گھر میں داخل، پرویز الہٰی کی تصدیق

چوہدری پرویز الہٰی نے کہا کہ پولیس کی جانب سے گھر میں داخل ہونے کی کوشش کی جا رہی ہے۔

پولیس نے کہنا تھا کہ پرویز الہٰی کے گھر سے 2 ملازمین کو حراست میں لیا گیا ہے، گھر کی تلاشی کےدوران کاغذات اور فائلیں بھی قبضے میں لی گئی ہیں۔

چھاپے سے متعلق پولیس نے مزید بتایا کہ چوہدری وجاہت حسین اور موسی الہٰی کے خلاف 2 مقدمات گجرات کے تھانہ ککرالی اور کڑیانوالہ میں درج ہیں۔

قومی خبریں سے مزید