بجلی بحالی میں تربیلا پاور ہاؤس 7 بار فیل ہوا، حکام

07 فروری ، 2023

سینیٹ کی قائمہ کمیٹی نے بجلی کے بریک ڈاؤن کی تحقیقات کےلیے قائم انکوائری کمیٹی پر عدم اعتماد کا اظہار کردیا۔

سیف اللّٰہ ابڑو کی صدارت میں سینیٹ کی قائمہ کمیٹی برائے پاور کے اجلاس میں کمیٹی کو 23 جنوری کے بریک ڈاؤن پر بریفنگ دی گئی۔

قائمہ کمیٹی کے مطابق مصدق ملک کی مصروفیات ہیں، ایک ہفتے میں محکمانہ انکوائری کرکے ابتدائی رپورٹ دینے اور این ٹی ڈی سی کے ڈپٹی منیجرز کو فوری ہٹانے کی ہدایت دے دی۔

پاور ڈویژن کے حکام نے کہا کہ بریک ڈاؤن کی انکوائری ابھی فائنل نہیں ہوئی، کمیٹی نے مائیکرو سیکنڈ لیول پر وولٹیج کا جائزہ لیا۔

چیئرمین نیپرا نے کمیٹی کو بتایا تحقیقات کر رہے ہیں کہ بریک ڈاؤن کے وقت نارتھ اور ساؤتھ سسٹم الگ کیوں نہیں ہوئے۔

چیئرمین نیپرا توصیف فاروقی نے کہا کہ بریک ڈاؤن کی تحقیقات کےلیے نیپرا میں بھی اجلاس ہوا، ہم نے روٹ کاز اینالسز کے بعد بحالی پر توجہ کی۔

اجلاس میں پاور ڈویژن حکام نے انکشاف کیا کہ ملک میں حالیہ بجلی بریک ڈاؤن کے بعد بحالی کے دوران تربیلا پاور ہاؤس7 بار فیل ہوا۔

چیئرمین نیپرا کی قائمہ کمیٹی پاور کو بریفنگ دی کہ بجلی کی مکمل بحالی میں 48 گھنٹے کا وقت لگا، بریک ڈاؤن کے بعد سسٹم بروقت ری اسٹارٹ نہیں ہوا، بریک ڈاؤن کا مسئلہ پورے ملک میں نہیں پھیلنا چاہیے۔

انہوں نے مزید کہا کہ تحقیقات کررہے ہیں، بریک ڈاؤن کے وقت آئسولیشن کیوں نہیں ہوئی۔

چیئرمین نیپرا نے یہ بھی کہا کہ انہوں نے ہائیڈرو پاور کو اسٹارٹ کرنے کی کوشش کی، اس کے بعد حکام نے منگلا پاور ہاؤس اسٹارٹ کرنے کی کوشش کی۔

قومی خبریں سے مزید