ملک بھر کے تعلیمی بورڈز میں جامع امتحانی اصلاحات کے پروگرام کے نفاذ کے لیے اجلاس آج طلب

کراچی(سید محمد عسکری) ملک بھر کے تعلیمی بورڈز میں جامع امتحانی اصلاحات کےپروگرام کے نفاذ کیلئے جمعہ9فروری کو فیڈرل بورڈ آف انٹر میڈیٹ اینڈ سیکنڈری ایجوکیشن اسلام آباد میں تمام صوبوں اور وفاق کے تعلیمی بورڈز کے کنٹرولرز اور ان کے کے سربراہوں کا اجلاس طلب کرلیا گیا ہے۔ اجلاس میںآن اسکرین مارکنگ، امتحانی پرچوں کی مارکنگ کی بہتر، زیادہ معیاری، اور جغرافیائی رکاوٹوں سے پاک طریقہ کا جائزہ لیا جائے گا اور محفوظ آن لائن ویب پورٹل کے ذریعے سوالیہ پرچوں کی الیکٹرانک تقسیم، معیاری سوالیہ پرچہ تیار کرنے کے لیے کوئسچن آئٹمز بینک اور منصفانہ اور شفاف طرز عمل کے لیے ڈیجیٹل اٹینڈنس مانیٹرنگ سسٹم کے طریقہ کار پر غور کیا جائے گا جب کہ میٹرکاور انٹر کی سطح پر دو سالانہ امتحانات کےانعقاد، اسکیم آف اسٹڈیز کے خاتمے اور کاغذ کی ترتیب میں اصلاحاتکو نصاب کے ساتھ ہم آہنگ کرنے پر بھی بات کی جائے گی۔فیڈرل تعلیمی بورڈ کے چیرمین ڈاکٹر قیصر عالم کے مطابق بورڈ اپنے امتحانی نظام اور معیارات کو بہتر بنانے کے لیے ٹیکنالوجی کے بہترین استعمال کے لیے مسلسل کوشاں ہے۔ طلباء اور ماہرین تعلیم کی بہترین طریقے سے خدمت کرنا بورڈ کیترجیح ہے۔ اس ارادے کے ساتھ ایف بی آئی ایس ای نے درس و تدریس میں معیاری بہتری کے لیے امتحانی نظام کو بہتر بنانے کے لیے جامع امتحانی اصلاحات کا پروگرام نافذ کیا ہے جو فیکلٹی کو ان کاغذات کو ان کی سہولت کے مطابق لچکدار اوقات میں نشان زد کرنے کی پیشکش کرتا ہے۔ یہ حسابات میں انسانی غلطی کو کم کرنے میں مددگار ہے اس طرح مارکنگ کے معیار کو بہتر بناتا ہے۔ ایک آن لائن سہولت ہونے کی وجہ سے، یہ اندرون اور بیرون ملک زیادہ قابل اساتذہ کو راغب کرنے میں مفید ہے۔ اجلاس میں تعلمی بورڈز کےآئی ٹی کے سبراہوں کو بھی شرکت کی دعوت دی گئی ہے۔