فرمان الہی
نماز کے اوقات
پاکستان مسلم لیگ (ن) کی چیف آرگنائزر و سینئر نائب صدر مریم نواز کا کہنا ہے کہ عمران خان تمہاری سلیکشن کمیٹی ٹوٹ گئی، سلیکٹرز گھر چلے گئے۔
اسلام آباد میں ورکرز کنونشن سے خطاب کرتے ہوئے مریم نواز نے سابق چیف جسٹس ثاقب نثار پر بھی نام لیے بغیر تنقید کرتے ہوئے کہا کہ بابا رحمتے اس قوم کا بابا زحمت بن گيا ہے، آج گلی گلی صداقت و امانت کے پول کھل رہے ہیں۔
مریم نواز نے کہا کہ الیکشن سے سلیکشن والے ڈرتے ہیں۔ مسلم لیگ ن نہیں، الیکشن سے وہ ڈرتا ہے جو سلیکٹ ہو کر آیا تھا، مسلم لیگ ن الیکشن کی تیاری شروع کرچکی ہے، بزدلوں کی طرح چھپ کر زمان پارک میں بیٹھے ہو ن لیگ میدان میں ہے۔
انہوں نے چیئرمین پی ٹی آئی کو مخاطب کرتے ہوئے کہا کہ 2018 کی تمہاری سلیکشن کمیٹی ٹوٹ چکی، سلیکٹرز گھر چلے گئے، سلیکٹرز نہ صرف گھر چلے گئے بلکہ انہوں نے دونوں ہاتھوں سے اپنے کان بھی پکڑ لیے۔
رہنما مسلم لیگ ن نے کہا کہ ہم نے ہارنے کیلئے نہیں جیتنے کیلئے میدان میں اترنا ہے، کل اسٹیبلشمنٹ کو کہہ رہا تھا کہ تالی کیلئے میں نے تو ہاتھ بڑھایا ہے دوسرا ہاتھ نہیں مل رہا۔
مریم نواز نے مزید کہا کہ اس کا رونا دھونا اس لیے ہے کہ اس کو تالی بجانے کیلئے دوسرا ہاتھ نہیں مل رہا، اب اسے تالی بجانے کیلئے دوسرا ہاتھ نہیں ملے گا، اب یہ تالی نہیں بجے گی۔
