فرمان الہی
نماز کے اوقات
بالی ووڈ کے سینئر اداکار امیتابھ بچن کے ساتھ فلم ’چینی کم‘ میں بطور چائلڈ اسٹار کام کرنے والی اداکارہ سوینی کھارا کی منگنی ہوگئی۔
سوینی کھارا نے فوٹو اینڈ ویڈیو شیئرنگ ایپ انسٹاگرام پر اپنی منگنی کی تقریب سے چند یادگار تصاویر شیئر کی ہیں۔
اداکارہ اپنی منگنی کی تصاویر میں گلابی رنگ کا لہنگا پہنے بہت خوبصورت لگ رہی ہیں جبکہ ان کے منگیتر اوروشی دسائے بھی سیاہ رنگ کا کوٹ اور سوٹ پہنے دلکش نظر آرہے ہیں۔
اُنہوں نے کیپشن میں گلوکار ٹیلر سوئفٹ کے گانے کا ایک مصرع لکھا جس کا مطلب ہے کہ ’مجھے قیمتی چیزیں بہت پسند ہیں لیکن میں آپ سے کاغذ کی انگوٹھیاں پہن کر بھی شادی کرلوں گی‘۔
سوینی کھارا نے اپنی ایک اور انسٹا پوسٹ میں اپنے منگیتر اوروشی دسائے کے ہمراہ چند تصاویر شیئر کیں۔
اُنہوں نے اس پوسٹ کے کیپشن میں بھی گلوکار ٹیلر سوئفٹ کے گانے کا ایک مصرع لکھا جس کا مطلب ہے کہ’آپ کے ساتھ تو میں طوفان میں بھی بے خوف اپنا سب سے بہترین لباس پہن کر ڈانس کرلوں گی‘۔
واضح رہے کہ سوینی کھارا نے 2007ء میں ریلیز ہونے والی فلم ’چینی کم‘ میں امیتابھ بچن کی پڑوسن ہونے کا کردار ادا کیا تھا۔
اس کے علاوہ، سوینی کھارا نے ٹی وی ڈرامہ’با باہو اور بے بی‘ میں چیتالی ٹھاکر کا شرارتی سا کردار ادا کیا جبکہ ’دل مل گئے‘، اور ’زندگی کھٹی میٹھی‘ جیسے مقبول شوز میں بھی کام کیا۔
اداکارہ کو آخری بار اسکرین پر سوشانت سنگھ راجپوت کی فلم ’ایم ایس دھونی: دی ان ٹولڈ اسٹوری‘ میں دیکھا گیا تھا، جس میں اُنہوں نے ’جیانتی‘ نامی ایک لڑکی کا کردار ادا کیا۔
