ڈاکٹر حسن محی الدین پیرس میں شب برات کی محفل سے خطاب کرینگے

چیئرمین سپریم کونسل منہاج القرآن انٹرنیشنل صاحبزادہ ڈاکٹر حسن محی الدین قادری منگل کی شب پیرس کے نواحی علاقے ویلرلیبل میں ایک معروف ریسٹورنٹ کے ہال میں شب برات کی محفل سے خطاب کریں گے۔

اس حوالے سے صاحبزادہ ڈاکٹر حسن محی الدین قادری پیرس پہنچ گئے، پیرس ایئرپورٹ پر ان کا والہانہ استقبال کیا گیا۔ 

استقبال کرنے والوں میں علامہ حسن میر قادری ڈائریکٹر منہاج القرآن انٹرنیشنل، راجہ بابر حسین  صدر منہاج القرآن انٹرنیشنل، سینئر نائب صدر حسن ارشد، طارق حسین منہاج ویلفئیر  فاؤنڈیشن، اور منہاج ویلفئیر فاؤنڈیشن یورپ، قاضی محمد دلشاد منہاج ویلفئیرفاؤنڈیشن اور جوائنٹ سیکریٹری منہاج ویلفئیر  فاؤنڈیشن یورپ، محمد راشد نائب ناظم میڈیا، ارشد مہر، ندیم مہر، عمران یونس اور دیگر شامل تھے۔