فرمان الہی
نماز کے اوقات
پیمرا کی جانب سے سابق وزیراعظم عمران خان کی تقاریر اور بیانات نشر کرنے پر پابندی کا اقدام لاہور ہائیکورٹ میں چیلنج کر دیا گیا، تاہم ہائیکورٹ آفس نے پٹیشن کے ساتھ پابندی کے نوٹیفکیشن کی مصدقہ نقل نہ لگانے کا اعتراض لگا دیا۔
جسٹس شاہد بلال حسن کل 7 مارچ کو آفس کے اعتراض پر سماعت کریں گے۔
چیئرمین پی ٹی آئی عمران خان نے پیمرا کی جانب سے ان کی تقاریر اور بیانات نشر کرنے پر پابندی کا اقدام لاہور ہائیکورٹ میں چیلنج کر دیا۔
انہوں نے درخواست میں پیمرا کو فریق بنایا ہے، عمران خان کا مؤقف ہے کہ پیمرا نے اختیارات سے تجاوز اور پیمرا آرڈیننس 2002 کی خلاف ورزی کرتے ہوئے پابندی کا حکم نامہ جاری کیا۔
پیمرا کے احکامات غیر قانونی، غیر آئینی اور آرٹیکل 19 کی خلاف ورزی ہیں، پابندی عائد کرنا بنیادی حقوق کی بھی خلاف ورزی ہے، استدعا ہے کہ عدالت پیمرا کے پابندی سے متعلق احکامات کالعدم قرار دے۔
دوسری جانب لاہور ہائیکورٹ آفس نے پٹیشن کے ساتھ پابندی کےنوٹیفکیشن کی مصدقہ نقل نہ لگانے کا اعتراض لگا دیا۔
