عمران خان کی گرفتاری قانونی عمل ہے، عدالت نے حکم دیا تو پورا کریں گے، آئی جی پنجاب

آئی جی پولیس پنجاب ڈاکٹر عثمان نے کہا ہے کہ عمران خان کی گرفتاری قانونی عمل ہے۔

جیو نیوز سے خصوصی گفتگو کرتے ہوئے آئی جی پولیس پنجاب ڈاکٹر عثمان نے کہا کہ عدالت حکم دیتی ہے تو اسے پورا کریں گے، پولیس عدالت کے نوٹس لے کر کسی کے پاس جاتی ہے۔

انہوں نے کہا کہ عمران خان کو سابق وزیرِ اعظم کے پروٹوکول سے زیادہ سیکیورٹی دی جا رہی ہے، وہ جب ہائی کورٹ آئے، وہاں بھی سیکیورٹی کا بڑا انتظام کیا گیا تھا۔

آئی جی پنجاب کا کہنا ہے کہ اسلام آباد پولیس کے ساتھ جو ہوا اس کی قانونی کارروائی بنتی ہے اور ہو رہی ہے۔

ان کا یہ بھی کہنا ہے کہ پنجاب میں دہشت گردوں کی جانب سے تھریٹس آتے رہتے ہیں، ہماری پالیسی ان تھریٹس کو ہٹ کرنے کی ہے۔