کےالیکٹرک کی بجلی ڈیڑھ روپے سے زائد مہنگی کرنے کی درخواست

کراچی میں بجلی کی تقسیم کار کمپنی کےالیکٹرک نے فی یونٹ بجلی ایک روپے 66 پیسے مہنگی کرنے کی درخواست کردی۔

اس حوالے سے نیشنل الیکٹرک پاور ریگولیٹری اتھارٹی (نیپرا) کا کہنا ہے کہ کےالیکٹرک کی جانب سے درخواست نیپرا کو جمع کروادی گئی ہے۔

اتھارٹی کے مطابق کےالیکٹرک نے درخواست فروری کی فیول پرائس ایڈجسٹمنٹ کےلیے جمع کروائی ہے۔

نیپرا کے مطابق کےالیکٹرک کی درخواست پر 30 مارچ کو سماعت کی جائے گی۔

درخواست منظور ہونے پر صارفین پر 2 ارب روپے کا اضافی بوجھ پڑے گا۔