کراچی: ملیر سے11 سالہ لڑکی اسکول سے واپسی پر لاپتا

کراچی کے علاقے ملیر سعود آباد سے11 سال کی لڑکی اسکول سے واپسی پر لاپتا ہوگئی۔

اس حوالے سے لڑکی کی والدہ نے سوشل میڈیا پر بیان دیتے ہوئے کہا ہے کہ 20 مارچ کو میری بیٹی اسکول گئی اور واپس نہیں آئی۔

لڑکی کی والدہ نے پولیس، چیف جسٹس اور حکام سے بیٹی کی بازیابی کی اپیل کی ہے۔

دوسری جانب پولیس نے واقعے کا مقدمہ والد کی مدعیت میں سعودآباد تھانے میں درج کرلیا ہے۔

پولیس کے مطابق ابتدائی تفتیش میں معلوم ہوا ہے کہ لڑکی اسکول کے بعد کسی شخص کے ساتھ گئی ہے۔

پولیس کا کہنا ہے کہ موٹرسائیکل پر مریم کو کسی شخص کے ساتھ جاتے دیکھا گیا ہے۔

پولیس حکام کے مطابق لڑکی کے اہلخانہ سے رابطے میں ہیں اور تفتیش جاری ہے۔