بیلاروس کاروسی جوہری ہتھیاروں کی میزبانی کرنا اشتعال انگیزی ہوگا، یورپی یونین

روس کے بیلاروس کے ساتھ جوہری ہتھیار رکھنےکے معاہدہ پر یورپی یونین کے خارجہ پالیسی چیف جوزف بوریل نے ردعمل کا اظہار کرتے ہوئے کہا کہ بیلاروس کا روسی جوہری ہتھیاروں کی میزبانی کرنا غیر ذمہ دارانہ اور اشتعال انگیزی ہوگا۔ 

برسلز سے جاری اپنے ردعمل میں جوزف بوریل نے مزید کہا کہ بیلاروس کا روسی جوہری ہتھیاروں کی میزبانی کرنا یورپی سلامتی کے لیے خطرہ ہے۔ بیلا روس کو اختیار ہے کہ وہ روسی جوہری ہتھیاروں کی میزبانی نہ کرے۔ 

جوزف بوریل کے مطابق یورپی یونین مزید پابندیاں لگانے کے لیے تیار ہے۔ 

ادھر خبر ایجنسی کا کہنا ہے کہ گزشتہ روز روسی صدر پیوٹن نے بیلاروس میں اپنے جوہری ہتھیار رکھنے کا معاہدہ طے پانے کے بارے میں بتایا تھا۔