فرمان الہی
نماز کے اوقات
پاکستان شوبز انڈسٹری کے ورسٹائل اداکار عمران اشرف کو ان دنوں اپنے ڈرامے ’رقص بسمل‘ کی یاد ستانے لگی ہے۔
فوٹو اینڈ ویڈیو شیئرنگ پلیٹ فارم انسٹاگرام پر انسٹا اسٹوری اپ ڈیٹ کرتے ہوئے اداکار نے اپنے سُپر ہٹ ڈرامے کا اسکرین شارٹ شیئر کیا۔
اس اسٹوری کے کیپشن میں انہوں نے اعتراف کیا کہ وہ رقص بسمل کے دنوں کو یاد کر رہے ہیں، صرف یہ ہی نہیں بلکہ گزشتہ دنوں انہوں نے اپنے ڈرامے کو یاد کرتے ہوئے ساتھی اداکارہ سارہ خان کو ایک بار پھر ایک ساتھ ڈرامہ کرنے کی پیشکش بھی کی ۔
حال ہی میں اداکارہ سارہ خان نے عید کی تیاریوں کے حوالے سے ایک ویڈیو اپ لوڈ کی جس کے کمنٹس میں تبصرہ کرتے ہوئے عمران اشراف نے انہیں ڈرامے کی پیشکش کرتے ہوئے لکھا کہ ’ایک ڈرامہ کریں سارہ ساتھ؟‘
خوبرو اداکارہ سارہ خان نے بھی ساتھی اداکار کی خواہش کو بھانپتے ہوئے انہیں جواب دیتے ہوئے رقص بسمل کے کردار موسیٰ اور زہرہ کے ری یونین کی فرمائش کر دی۔
