فرمان الہی
نماز کے اوقات
پاکستان شوبز انڈسٹری سے وابستہ خوب رو اداکار عمران عباس کا موازنہ سوشل میڈیا صارفین بالی ووڈ کے دبنگ اداکار سلمان خان اور پاکستانی صدا بہار اداکارہ ماہ نور بلوچ سے کر رہے ہیں۔
حال ہی میں ایک بلاگر نے جیو ٹی وی پر نشر ہونے والے حالیہ ڈرامے ’احرام جنون‘ کا اسکرین شارٹ شیئر کرتے ہوئے ان کے بارے میں لکھا کہ اداکار عمران عباس تو پاکستانی ڈرامہ انڈسٹری کے سلمان خان ہیں، نہ ہی ان کی عمر ڈھلتی ہے اور نہ ہی ان کی شخصیت میں کوئی تبدیلی آئی ہے۔
ان کے مطابق سلمان خان کی طرح 40 سالہ عمران عباس آج بھی اپنے سے آدھی عمر کی ہیروئنز کے ساتھ ہیرو کے کردار میں نظر آتے ہیں۔
سوشل میڈیا کے مختلف پلیٹ فارمز پر وائرل مذکورہ اسکرین شاٹ کے کمنٹس میں تبصرہ کرتے ہوئے سوشل میڈیا صارفین نے ملے جلے تاثرات کا اظہار کیا۔
کسی کا ماننا ہے کہ سلمان خان کے چہرے پر اب عمر کے اثرات نظر آتے ہیں اس لئے عمران عباس کا موازنہ ان کے ساتھ کرنا غلط ہے بلکہ یہ تو مردوں کے ماہ نور بلوچ ہیں، ان ہی کی طرح ایور گرین۔
جبکہ بعض سوشل میڈیا صارفین نے انہیں تنقید کا نشانہ بناتے ہوئے کہا کہ عمران عباس کی اس خوبصورتی کا راز ان کا میک اپ ہے جبکہ کچھ کا کہنا ہے کہ عمران عباس اور سلمان خان دونوں کو ہی اداکاری نہیں آتی۔
