• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جیو فینسنگ سے PTI رہنماؤں اور کارکنان کے رابطوں کا پتا چلایا، پولیس

تازہ ترین
قومی خبریں
01 جون ، 2023
فائل فوٹو
فائل فوٹو

سی سی پی او پشاور اشفاق انور کا کہنا ہے کہ جیو فینسنگ کے ذریعے پی ٹی آئی رہنماؤں اور کارکنان کے درمیان رابطوں کا پتا چلایا گیا۔

سابق ایم پی ایز فضل الہٰی، ملک واجد اور پیر فدا محمد کارکنان سے مسلسل رابطے میں رہے، کارکنان ریڈیو پاکستان، باچا خان چوک، اسمبلی چوک اور قلعہ بالاحصار کے اطراف میں موجود تھے۔

سابق ضلع ناظم عاصم خان، مینا خان سمیت دیگر رہنما بھی کارکنان کے ساتھ رابطے میں تھے۔

سابق ایم پی ایز فضل الہٰی، ملک واجد اور پیر فدا محمد سمیت متعدد رہنما روپوش ہیں۔

سی سی پی او اشفاق انور نے بتایا کہ پی ٹی آئی کے مظاہرین گرفتاری کے ڈر سے گھروں سے غائب ہیں، جہاں سے بھی سراغ ملا نامزد ملزمان کو ہر صورت گرفتار کیا جائے گا۔

پشاور میں انسداد دہشتگردی کے تحت 5 مقدمات درج اور 275 ملزمان گرفتار ہیں۔

قومی خبریں سے مزید