پاکستان ڈیفالٹ ہوا تو نتائج کافی مہنگے ثابت ہوں گے، عارف حبیب

معروف بزنس مین عارف حبیب نے کہا ہے کہ پاکستان ڈیفالٹ ہوا تو نتائج سب کےلیے کافی مہنگے ثابت ہوں گے۔

جیو نیوز کی گریٹ ڈیبیٹ میں گفتگو کے دوران عارف حبیب نے تجویز دی کہ بیرون ملک مقیم پاکستانیوں کے ایک بڑے پول کو ٹارگٹ کرنا چاہیے۔

پلان بی، سی نہیں سوچنا، آئی ایم ایف پروگرام میں جانا ہوگا، مفتاح اسماعیل

سابق وفاقی وزیر مفتاح اسماعیل نے کہا ہے کہ اب بھی عالمی مالیاتی ادارے (آئی ایم ایف) کے پاس جانا ضروری ہے۔

انہوں نے کہا کہ پاکستان نے پوری دنیا میں جھولی پھیلائی ہوئی ہے، ملک کی موجودہ معاشی صورتحال میں ہمیں آؤٹ آف دا باکس سوچنا ہوگا۔

معروف بزنس مین نے مزید کہا کہ روشن ڈیجیٹل اکاؤنٹ میں 6 ارب ڈالرز آئے تھے مگر واپس چلے گئے۔

انہوں نے تجویز پیش کی کہ پاکستانیوں کےلیے ایک اسکیم لانی چاہیے، جس میں وہ 2 لاکھ ڈالرز جمع کروائیں۔

عارف حبیب نے کہا کہ اسکیم کے تحت ان 2 ڈالرز کے عوض انہیں پلاٹس اور کسٹم ڈیوٹی کے واؤچرز دینے چاہیے۔

پاکستان کے ڈیفالٹ کا خطرہ بہت زیادہ ہے، معاشی ماہرین

معاشی ماہرین علی ٹبا اور غیاث خان نے کہا ہے کہ اس بار پاکستان کے ڈیفالٹ ہونے کا خطرہ بہت زیادہ ہے۔

اُن کا کہنا تھا کہ اسکیم میں حصہ لینے والوں کو گاڑیوں کی امپورٹ ڈیوٹی فری کرنی چاہیے اور اس کو ڈیٹ ری پمنٹ گیپ فنڈ کا نام دینا چاہیے۔

معروف بزنس مین نے یہ بھی کہا کہ زراعت پر کوئی ٹیکس نہیں ہے، مفتاح اسماعیل نے ریٹیل پر ٹیکس لگایا تو ان کو فون آگیا۔

انہوں نے کہا کہ ریئل اسٹیٹ انویسٹمنٹ ٹرسٹ کے ذریعے حکومت کو ٹیکس ملتا ہے، اگر میں وزیراعظم ہوتا تو گورنر اسٹیٹ بینک کے آفس میں بیٹھا ہوتا۔

عارف حبیب نے کہا کہ عوام کی بڑی تکلیف مہنگائی کی وجہ سے ہے، شرح سود کی سب سے بڑی وکٹم حکومت ہے۔