پی ٹی آئی کے امریکی کانگریس ممبرز سے پاکستان مخالف بیانات دلوانے کے جتن

پی ٹی آئی کی جانب سے ایک طرف حقیقی آزادی کے نعرے لگائے جا رہے ہیں تو دوسری جانب امریکی کانگریس ممبرز سے پاکستان مخالف بیانات دلوانے کے جتن کیے جا رہے ہیں۔

پی ٹی آئی رہنما سجاد برکی اور عاطف خان نے کانگریس مین گریگ کیسار سے انسانی حقوق کی خلاف ورزیوں پر قرار داد لانے کی اپیل کی ہے۔

ان پی ٹی آئی رہنماؤں نے پاکستان کی فوجی امداد انسانی حقوق سے مشروط کرانے کے لیے بھی کانگریس رکن کی مدد مانگ لی۔

پاکستان کی صورتحال پر امریکی اراکین کانگریس کا انٹونی بلنکن کو خط

پاکستان کی صورتحال پر امریکا کے 60 اراکین کانگریس نے امریکی وزیر خارجہ انٹونی بلنکن کو خط لکھ دیا۔

رہنما پی ٹی آئی عاطف خان کا کانگریس رکن گریگ کیسار سے کہنا تھا کہ کانگریس کے 86 ممبران نے ہماری پٹیشن پر دستخط کیے ہیں، ہم چاہتے ہیں کہ آپ بھی اس کا حصہ بنیں۔

کانگریس رکن گریگ کیسار نے جواب دیا کہ آپ مجھ پر انحصار کر سکتے ہیں۔