فرمان الہی
نماز کے اوقات
ریاض (اے پی پی)سعودی عرب کی وزارت خارجہ نے وزارت سرمایہ کاری کے تعاون سے نیا ویزا متعارف کرایا ہے جسے ’مستشمر زائر (انویسٹر وزیٹر) کا نام دیا گیا ہے۔ سعودی اخبار نے وزارت خارجہ کے بیان کے حوالے سے بتایا کہ نئے وزٹ ویزے مستشمر زائرکے اجرا کا مقصد سرمایہ کاروں کو ملک میں سرمایہ کاری کے امکانات سے واقفیت کا موقع فراہم کرنا ہے۔ انہوں نے کہا کہ جو سرمایہ کار بزنس ویزا حاصل کرنا چاہتے ہوں انہیں دفتر خارجہ کے مشترکہ نیشنل ویزا پورٹل پر درخواست دینا ہوگی،اگلے مرحلے میں درخواست پر کارروائی ہوگی اور فوری طور پر ویزا جاری کر دیا جائے گا۔ انویسٹر کو بزنس ویزا ای میل پر موصول ہوگا، پہلے مرحلے میں اس کا دائرہ محدود ہوگا ،مخصوص ملکوں کے انویسٹرز ہی یہ سہولت حاصل کرسکیں گے۔ دوسرے مرحلے میں بزنس ویزا دیگر ملکوں کے انویسٹرز کے لیے بھی جاری کیا جائے گا اس کا مقصد سعودی وژن 2030 کے اہداف کی تکمیل میں آسانی پیدا کرنا ہے۔ وژن 2030 کے تحت سعودی عرب پرکشش سرمایہ کار طاقت بننا چاہتا ہے۔
