فرمان الہی
نماز کے اوقات
بالی ووڈ کے معروف اداکار نوازالدین صدیقی کی اہلیہ عالیہ صدیقی جو کہ بگ باس او ٹی ٹی ٹو میں شامل ایک کنٹسٹنٹ بھی ہیں، انہوں نے اس بات کو تسلیم کیا کہ نوازالدین صدیقی کی اہلیہ کے طور انکی شناخت محدود تھی۔
انکا کہنا تھا کہ انہیں ان کے ناراض شوہر نوازالدین نے ہی بگ باس میں آنے کو کہا۔
خیال رہے کہ بالی ووڈ سپر اسٹار سلمان خان نے رئیلٹی شو بگ باس او ٹی ٹی سکینڈ سیزن کا آغاز ہفتہ کو کیا، نیا سیزن انکا ڈیجیٹل ڈیبیو بھی ہے۔
شو کے میزبان سلمان خان نے جب عالیہ صدیقی سے پوچھا کہ انکی شو میں شرکت پر انکے شوہر نواز الدین صدیقی کا کیا ردعمل ہے، اس پر عالیہ نے کہا کہ یہاں آنے کے حوالے سے شوہر نے مجھے سپورٹ کیا اور ساتھ ہی میرا اور بچوں کا خیال بھی رکھا۔
رئیلٹی شو میں اپنی انٹری اور تعارف کروانے کے حوالے سے عالیہ نے کہا میری ہمیشہ سے شناخت اسٹار وائف کی رہی، لیکن جب اس تعلق میں عزت نہ ہو تو یہ تعلق کمزور پڑ جاتا ہے، مجھے معلوم ہے کہ گزشتہ 19 سالوں میں کن مشکلات کا سامنا رہا اور جب کوئی سننے والا نہ ہو تو پھر آپ باہر روتے ہیں اور میں وہی کر رہی ہوں۔
انکا کہنا تھا کہمیں اپنی ازدواجی زندگی میں خود کو درپیش تمام مشکلات کا خاتمہ کرنا چاہتی ہوں اور اسی لیے میں بگ باس میں آئی ہوں، بگ باس نے مجھے بہترین پلیٹ فارم فراہم کیا جہاں میں اپنی شناخت بناسکوں۔
واضح رہے کہ عالیہ صدیقی اور نواز الدین صدیقی کے درمیان گزشتہ کچھ عرصے سے گھریلو تنازعات چل رہے ہیں اور عالیہ نے شوہر اور ان کے خاندان کے خلاف عدالتوں سے رجوع بھی کیا۔
