فرمان الہی
نماز کے اوقات
ورلڈ کپ میں پاک بھارت ٹاکرے سے متعلق بابر اعظم نے اپنے خیالات کا اظہار کردیا۔
کراچی میں پریس کانفرنس کرتے ہوئے بابر اعظم نے ورلڈ کپ میں پاکستان اور بھارت کے میچ سے متعلق بھی بات کی۔
پاکستان کرکٹ ٹیم کے کپتان بابر اعظم نے کہا کہ ورلڈ کپ کا بے چینی سے انتظار ہے، ہر میچ جیت کی سوچ کے ساتھ کھیلتے ہیں۔
بابر اعظم نے کہا کہ بھارت میں ورلڈ کپ کھیلنے جا رہے ہیں صرف بھارت سے کھیلنے نہیں جا رہے۔
انہوں نے کہا کہ کسی ایک ٹیم یا ایک میچ پر ساری توجہ نہیں ہے۔
واضح رہے کہ ورلڈ کپ میں پاکستان اور بھارت کے درمیان میچ 15 اکتوبر کو احمد آباد میں شیڈول ہے۔
علاوہ ازیں دورہ سری لنکا سے متعلق گفتگو کرتے ہوئے بابر اعظم نے کہا کہ سری لنکا کی کنڈیشنز کا علم ہے، وہاں پچ سِلو ہے اور وہاں اسپنرز کو مدد ملے گی، ایشیا کپ سے پہلے سری لنکا میں کھیلنا اچھا ہے۔
