فرمان الہی
نماز کے اوقات
صوبائی وزیر اطلاعات اور ٹرانسپورٹ شرجیل انعام میمن کا کہنا ہے کہ آج شاہ محمود قریشی خوش ہوں گے ان کا راستہ صاف ہوگیا، وہ ملتان میں ضرور مٹھائی بانٹ رہے ہوں گے۔
کراچی میں پریس کانفرنس کرتے ہوئے شرجیل انعام میمن کا کہنا تھا کہ پولیس پر پیٹرول بموں کے حملے کیے گئے۔ نواز شریف، آصف زرداری، مریم نواز اور بےنظیربھٹو بھی گرفتار ہوئیں لیکن کسی نے بھی پولیس پر پیٹرول بموں سے حملے نہیں کیے۔
شرجیل میمن نے کہا کہ کیپٹل کیس میں لوگوں کو 25 سالوں کی سزا ہوئی، عمران خان کے گھر سے پولیس پر بم پھینکے گئے۔
انکا یہ بھی کہنا تھا کہ قانون کیوں خاموش تھا، یہ تمام سہولتیں اس لاڈلے کے لیے تھیں۔
انہوں نے کہا کہ پیپلز بس کی انتظامیہ پوچھتی ہے کہ ہم بسیں چلائیں یا نہیں۔
شرجیل میمن کا کہنا تھا کہ کسی کو کوئی رکاوٹ نہیں ہوئی، کسی کو نقصان پہنچانے کی اجازت نہیں ہوگی۔ کسی نے کوئی شرارت کی تو پولیس حرکت میں آئے گی۔
انہوں نے کہا کہ سوشل میڈیا کی پارٹی سوشل میڈیا پر شرارت کر رہی ہے۔
صوبائی وزیر کا کہنا تھا کہ چیئرمین پی ٹی آئی سمجھتا ہے کہ وہ بےقصور ہے تو اعلیٰ عدالتوں میں جائے۔ اس کے خلاف تمام کیسز اوپن اینڈ شٹ کیسز ہیں۔
