فرمان الہی
نماز کے اوقات
کراچی کے علاقے پاک کالونی جہاں آباد میں دو اضلاع کی پولیس نے غیرمعمولی آپریشن کیا۔
آپریشن کے دوران 5 افراد کو گرفتار کرلیا گیا جبکہ منشیات فروشوں نے مزاحمت بھی کی جس کی وجہ سے متعدد افراد زخمی ہوئے۔
پولیس کا کہنا ہے کہ گرفتار ملزمان کے قبضے سے بھاری تعداد میں منشیات اور اسلحہ برآمد ہوا ہے، گرفتار ملزمان کا تعلق بلال پپو گروپ سے ہے جبکہ ایک خاتون بھی زیرِ حراست ہے۔
کومبنگ آپریشن کے دوران درجنوں افراد کو حراست میں بھی لیا گیا جنہیں پوچھ گچھ کے بعد رہا کر دیا گیا۔
پولیس حکام کے مطابق لیاری ٹاؤن اور کیماڑی ٹاؤن کے 125 سے زائد پولیس اہلکار آپریشن میں شریک ہوئے اور رات بھر جاری رہنے والا یہ آپریشن صبح 7 بجے ختم کر دیا گیا۔
