فرمان الہی
نماز کے اوقات
پاکستان شوبز انڈسٹری کے معروف اداکار سعود قاسمی نے انکشاف کیا ہے کہ بھارتی اداکار نواز الدین صدیقی ان کے رشتے دار ہیں۔
سعود قاسمی نے حال ہی میں ایک پوڈ کاسٹ میں بطور مہمان شرکت کی جہاں اُنہوں نے اپنی زندگی کے مختلف پہلوؤں کے بارے میں بات کی۔
اُنہوں نے اپنے خاندان کے بارے میں بات کرتے ہوئے بتایا کہ بھارتی اداکار نواز الدین صدیقی اور آسٹریلوی کرکٹر عثمان خواجہ میرے رشتہ دار ہیں۔
اُنہوں نے بتایا کہ بھارت میں مقیم میرے خالہ زاد بھائی کی شادی نواز الدین صدیقی کی بہن سے ہوئی ہے جبکہ آسٹریلیا کے کرکٹر عثمان خواجہ بھی میرے رشتے دار ہیں بلکہ ہم دونوں بچپن میں ایک ساتھ کرکٹ بھی کھیلتے تھے۔
سعود قاسمی نے جویریہ سعود سے اپنی شادی کے بارے میں بتایا کہ ہماری شادی اپنی پسند کی نہیں بلکہ گھر والوں کی مرضی سے ہوئی تھی۔
اُنہوں نے بتایا کہ میری بہن نے جویریہ کو پسند کیا تھا اور اس کے بعد جویریہ کے والدین کو منانے کے لیے 4 بار ان کے گھر جانا پڑا۔
اُنہوں نے یہ بھی بتایا کہ رشتے بات کرنے کے لیے جویریہ کے گھر جانے والوں امجد صابری مرحوم، اداکار رینبو ،اداکار شان اور برگیڈیئر (ر) حارث نواز بھی شامل تھے۔
