فرمان الہی
نماز کے اوقات
کراچی کے علاقے اسٹیل ٹاؤن کے قریب گلشنِ حدید کے نواحی گوٹھ میں فائرنگ سے 2 افراد جاں بحق ہو گئے۔
پولیس کے مطابق فائرنگ کا واقعہ گلشنِ حدید میں سوموار گوٹھ میں پیش آیا جہاں نامعلوم موٹر سائیکل سوار ملزمان نے ایک دکان پر فائرنگ کی۔
پولیس کے مطابق دکان میں ایک اسٹیٹ ایجنسی قائم ہے۔ فائرنگ کے نتیجے میں 2 افراد شدید زخمی ہوئے تھے جنہیں گلشن حدید کے ایک رفاہی اسپتال منتقل کیا گیا تاہم وہاں پہنچنے تک دونوں کی موت واقع ہو چکی تھی۔
پولیس کے مطابق جاں بحق افراد کی شناخت 50 سالہ زوار حسین اور 55 سالہ حاجی اختر کے نام سے ہوئی ہے۔
دونوں کی لاشیں پوسٹ مارٹم اور ضابطے کی کارروائی کے لیے جناح اسپتال منتقل کردی گئی ہیں۔
