فرمان الہی
نماز کے اوقات
اسرائیل میں پھنسی بالی ووڈ اداکارہ نصرت بھروچا باحفاظت اپنے وطن بھارت واپس پہنچ گئیں۔
بھارتی میڈیا کے مطابق اداکارہ نصرت بھروچا اسرائیل سے بحفاظت ممبئی ایئر پورٹ پہنچ گئیں، ان کی ممبئی ایئرپورٹ سے گھر جاتے ہوئے ویڈیو مختلف سماجی رابطوں کی ویب سائٹ پر وائرل ہو رہی ہے۔
بھارتی میڈیا رپورٹس کے مطابق نصرت بھروچا اسرائیل اور حماس کے درمیان ہفتے کی علی الصبح شروع ہونے والے تنازع کے درمیان اسرائیل میں پھنس گئی تھیں۔
میڈیا رپورٹس کے مطابق اداکارہ کی ٹیم کے ایک رکن کے مطابق نصرت حیفہ انٹرنیشنل فلم فیسٹیول میں شرکت کے لیے اسرائیل گئی تھیں، جہاں ان کی فلم اکیلی کی نمائش کی گئی، جنگ چھڑنے کے بعد ان کا اپنی ٹیم سے رابطہ بھی منقطع ہو گیا تھا۔
ٹیم کے ایک رکن کے مطابق آخری گفتگو کے دوران وہ ایک عمارت کے تہہ خانے میں تھیں اور خود کو حملوں سے بچا رہی تھیں۔
تاہم اب گزشتہ روز سے وائرل ایک ویڈیو میں اداکارہ کو ممبئی کے بین الاقوامی ایئر پورٹ سے بحفاظت باہر نکلتے ہوتے دیکھا جا سکتا ہے، ایئر پورٹ سے نکلتے ہی اداکارہ کو پاپارازی رپورٹرز اور فوٹوگرافرز نے گھیر لیا تھا۔
وائرل ویڈیو میں دیکھا جاسکتا ہے کہ وطن واپسی کے بعد بھی خوف و ہراس کے باعث اداکارہ پریشان ہیں اور ان کی آنکھیں نم ہیں۔
بھارتی میڈیا کے مطابق اداکارہ کنیکٹنگ فلائٹ سے بھارت واپس پہنچی ہیں۔
