فرمان الہی
نماز کے اوقات
کراچی(اسٹاف رپورٹر)پاکستان کپ ون ڈے کے پانچویں راؤنڈ میں فاٹا، پشاور، ملتان اور کراچی وائٹس نے کامیابی حاصل کرلی۔ ایبٹ آباد اور راولپنڈی میں میچز خراب روشنی کے باعث متاثر ہو ئے۔ شعیب اختر کرکٹ اسٹیڈیم راولپنڈی میں کراچی وائٹس نے راولپنڈی کے خلاف 72رنز سے کامیابی حاصل کی۔ اس میچ کا فیصلہ ڈک ورتھ لوئس کے تحت ہوا۔ فاتح ٹیم نے 7 وکٹ پر 364 رنز بنائے۔ صائم ایوب نے 125گیندوں پر 179 رنز بنا ڈالے ان کی اننگز میں15 چوکے اور11 چھکے شامل تھے ۔ اسد شفیق نے 57 رنز اسکور کیے۔ ہوم ٹیم نے 27 اوورز میں5 وکٹ پر169 رنز اسکور کیے۔ ایبٹ آباد اسٹیڈیم میں ملتان نے لاہور بلوز کو ڈک ورتھ لوئس قانون کے تحت 37 رنز سے ہرادیا۔ لاہور بلوز نے 40 اوورز میں 7 وکٹوں پر257 رنز بنائے۔ جواب میں ملتان نے21.2 اوورز میں4 وکٹ پر 163 رنز بنائے۔ شرجیل خان نے 5 چھکوں اور 8 چوکوں کی مدد سے 82 رنز بنائے۔ میرپور اسٹیڈیم میں فاٹا نے لاہور وائٹس کو 6 وکٹوں سے ہرادیا۔
