فرمان الہی
نماز کے اوقات
کراچی (اسٹاف رپورٹر)نوجوان بیٹر اذان اویس کی شاندار سنچری کی بدولت سیالکوٹ نے پشاور کے خلاف قائداعظم ٹرافی کے سہ فریقی مرحلے کے پہلے میچ میں دوسرا دن ختم ہونے پر پہلی اننگز میں 6 وکٹ پر 319 رنز بنائے تھے۔ اسے پشاور پر 148 رنز کی برتری حاصل ہوگئی ہے۔ پشاور پہلی اننگز میں 171 رنز بناکر آؤٹ ہوگئی تھی۔ بدھ کو ایبٹ آباد میں سیالکوٹ نے اپنی پہلی اننگز 74 رنز بغیر کسی نقصان کے شروع کی ۔ عاشر محمود 31 اور عبدالرحمن 28 رنز بناکر آؤٹ ہوئے۔ اذان اویس 23 چوکوں کی مدد سے 161 رنز پر ناٹ آؤٹ ہیں۔ محسن ریاض 64 رنز بناکر آؤٹ ہوئے ۔ عامر خان نے 4 وکٹیں حاصل کیں۔
