فرمان الہی
نماز کے اوقات
کراچی( نصر اقبال/ اسٹاف رپورٹر) پاکستان والی بال انٹر نیشنل لیگ ایک بار پھر کھٹائی میں پڑ گئی ہے، پاکستان والی بال فیڈریشن نے اس ایونٹ کو نومبر میں کرانے کا اعلان کیا تھا جو نہ ہوسکی۔ اطلاعات کے مطابق بھارت نے لیگ میں اپنے کھلاڑیوں کو بھیجنے سے انکار کردیا ہے، البتہ بنگلہ دیش، سری لنکا، پولینڈ،برازیل،افغانستان، ایران، ترکی کے حکام نے کھلاڑیوں کی شرکت کی یقین دہانی کرائی ہے، پاکستان والی بال فیڈریشن نے اسپانسر شپ حاصل کرلی ہے، جبکہ چھوٹے اسپانسر سے بات چیت جاری ہے،ذرائع کے مطابق ایونٹ میں چھ ٹیموں کو شامل کیا جائے گا، فرنچائز مالکان سے بات چیت مکمل ہوگئی ہے حکام جنوری میں انعقاد کے خواہش مند ہیں۔
