فرمان الہی
نماز کے اوقات
مسلم لیگ (ن) خیبر پختونخوا کے ترجمان اختیار ولی نے کہا ہے کہ بلاول بھٹو زرداری وزیر اعظم بننے کی خواہش میں حواس کھو بیٹھے ہیں۔
پشاور سے جاری بیان میں اختیار ولی نے کہا کہ بلاول بھٹو کے پاس کوئی وژن ہے نہ ہی پروگرام، وہ صرف ذاتی خواہشات کے گھوڑے پر سوار ہیں۔
انہوں نے کہا کہ پیپلز پارٹی ایک مردہ گھوڑا ہے، جس میں فلمی ڈائیلاگ سے جان نہیں ڈالی جا سکتی، بلاول بھٹو الیکشن میں کھوئی ہوئی ساکھ بحال کرنے کےلیے الزامات لگانا ترک کردیں ورنہ سخت جواب ملے گا۔
ن لیگ خیبر پختونخوا کے ترجمان نے مزید کہا کہ ن لیگ تو وفاقی حکومت لینے کے حق میں ہی نہیں تھی مگر بلاول بھٹو ماہی بے آب بنے ہوئے تھے۔
انہوں نے یہ بھی کہا کہ پوچھتا ہوں کیا بلاول بھٹو زرداری وزیر خارجہ بننے کے بعد شہباز شریف کی جو تعریفیں کی تھیں وہ بھول گئے ہیں؟
اختیار ولی نے کہا کہ ہم نے 2013 میں پیپلز پارٹی کی تباہیاں پھیرنے کے بعد ملک کو مشکلات سے نکالا تھا۔
اُن کا کہنا تھا کہ نواز شریف دو تہائی سے زیادہ اکثریت سے چوتھی بار وزیراعظم بنیں گے۔
