فرمان الہی
نماز کے اوقات
فیلڈ مارشل سید عاصم منیر سے وزیر دفاع شیخ عبداللہ کی سربراہی میں کویتی وفد نے جی ایچ کیو راولپنڈی میں ملاقات کی۔
مسلح افواج کے شعبہ تعلقات عامہ آئی ایس پی آر کے مطابق وفد میں کویتی مسلح افواج کے چیف آف جنرل اسٹاف لیفٹیننٹ جنرل خالد دراج سعد الشریعان بھی شامل تھے۔
آئی ایس پی آر کے مطابق ملاقات میں علاقائی سلامتی اور دوطرفہ دفاعی تعاون اور باہمی دلچسپی کے امور پر گفتگو کی گئی، فریقین نے ادارے کی سطح پر تعلقات کو فروغ دینے کے عزم کا اعادہ کیا۔
فریقین نے دونوں برادر ممالک کے درمیان باہمی دفاعی تعاون کو وسعت دینے کے عزم کا بھی اعادہ کیا۔
آئی ایس پی آر کے مطابق کویتی وفد نے پاکستان کی مسلح افواج کی پیشہ ورانہ صلاحیتوں، آپریشنل مہارت اور علاقائی امن و استحکام کے لیے خدمات کو سراہا۔
