فرمان الہی
نماز کے اوقات
کراچی میں حساس ادارے کے ملازم کے قتل میں ملوث 3 ملزمان کو گرفتار کرلیا گیا۔ قتل کا واقعہ ناظم آباد میں 12 نومبر کو پیش آیا تھا۔
پولیس کا کہنا ہے کہ مختلف علاقوں میں کارروائی کے دوران قتل میں ملوث تینوں ملزمان گرفتار کرلیے گئے ہیں، ملزم یونس، نعمان اور محمد علی اسٹریٹ کرائم کی کئی وارداتوں میں ملوث ہیں۔
پولیس کے مطابق ملزم محمد علی نے فائرنگ کی اور ملزم یونس موٹر سائیکل چلا رہا تھا، ملزمان نے انکشاف کیا کہ ڈکیتی کی واردات کے دوران مقتول نے اسلحہ نکالا تو فائرنگ کردی۔
واردات میں استعمال ہونے والی موٹر سائیکل برآمد کرلی گئی تاہم اسلحہ برآمد نہیں ہوسکا۔
پولیس کے مطابق ملزمان اورنگی ٹاؤن، نارتھ ناظم آباد اور سائٹ کے علاقوں سے گرفتار کیے گئے ہیں، ملزمان کے گروہ میں شامل دیگر ملزمان کی گرفتاری کیلئے چھاپے جاری ہیں۔
