• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

حارث رؤف ہماری پروڈکٹ ہیں، اسے ختم کرنے نہیں آئے، وہاب ریاض

تازہ ترین
کھیلوں کی خبریں
07 دسمبر ، 2023
حارث رؤف ہماری پروڈکٹ ہیں، اسے ختم کرنے نہیں آئے، وہاب ریاض

چیف سلیکٹر وہاب ریاض کا کہنا ہے کہ حارث رؤف ہماری پروڈکٹ ہیں، اپنی پروڈکٹ کو ختم کرنے نہیں آئے۔ انہیں صرف سینٹرل کنٹریکٹ کی شق کی خلاف ورزی پر معمول کے مطابق شوکاز نوٹس جاری ہوا۔ 

لاہور میں میڈیا سے گفتگو کرتے ہو ئے انہوں نے کہا کہ نسیم شاہ دورہ نیوزی لینڈ کے لیے زیر غور نہیں ہوں گے۔

حارث رؤف کو شوکاز نوٹس

پی سی بی نے چند روز قبل حارث رؤف کو شوکاز نوٹس بھجوایا تھا، جو ٹیسٹ کرکٹ سے دستبرداری پر جاری کیا گیا تھا۔

حارث رؤف کو ٹیسٹ کے بجائے ٹی ٹوئنٹی ورلڈکپ کیلئے تیار کریں، عاقب جاوید

سابق فاسٹ بولر عاقب جاوید نے کہا ہے کہ آپ حارث رؤف کو ٹیسٹ کرکٹ کے بجائے اگلے ٹی ٹوئنٹی ورلڈ کپ کے لیے تیار کریں۔

نوٹس میں کہا گیا تھا کہ سینٹرل کنٹریکٹ کے مطابق پلیئرز نیشنل ٹیم کےلیے غیر مشروط طور پر دستیاب ہوں گے۔

فاسٹ بولر حارث رؤف نے آسٹریلیا کے خلاف ٹیسٹ سیریز سے عدم دستیابی ظاہر کی تھی۔

ذرائع کے مطابق حارث رؤف نے پی سی بی کے نوٹس کا جواب جمع کرادیا ہے، جس میں بتایا گیا ہے کہ دستبرداری کی وجہ ریڈ بال کرکٹ کی پریکٹس نہ ہونا ہے۔

کھیلوں کی خبریں سے مزید