فرمان الہی
نماز کے اوقات
قومی ٹیسٹ ٹیم کے کپتان شان مسعود نے کھلاڑیوں کے سنگ میل سے زیادہ اہم چیز بتادی۔
آسٹریلین پرائم منسٹر الیون کے خلاف چار روزہ میچ میں شان مسعود نے ناقابلِ شکست ڈبل سنچری اسکور کی۔
دوسرے دن کھیل ختم ہونے کے بعد پاکستان کرکٹ بورڈ (پی سی بی) ڈیجیٹل سے بات چیت کرتے ہوئے قومی ٹیم کے کپتان کا کہنا تھا کہ کرکٹ میں سنگ میل اہم ہوتے ہیں لیکن اصل اہمیت کھیلنے کے طریقے، فارم اور فٹنس کی ہے۔
انہوں نے کہا کہ میری کوشش ہوگی کہ اس فارم کو برقرار رکھوں۔
شان مسعود کا کہنا تھا کہ جب بھی آپ پریکٹس میچ کھیلتے ہیں تو آپ کو کنڈیشنز اور پچ کو سمجھنے میں مدد ملتی ہے۔
انہوں نے مزید کہا کہ پرائم منسٹر الیون کے خلاف فرسٹ کلاس میچ ہے، اس لیے اس میں مقابلے کی فضا رہتی ہے۔
