فرمان الہی
نماز کے اوقات
انٹرنیٹ پر مشہور شخصیات سے چھیڑ چھاڑ اور ان کو دیگر افراد سے تشبیہ دینا عام سی بات ہے۔
اس مرتبہ معروف امریکی گلوکارہ ٹیلر سوئفٹ انٹرنیٹ پر صارفین کا نشانہ بنی ہوئی ہیں جنہیں اسپن بولر سے تشبیہ دی جارہی ہے۔
انٹرنیٹ پر ٹیلر سوئفٹ کی ایک پرفارمنس کی تصویر سامنے آئی ہے جو کہ کرکٹ میں اسپن بولرز کے ایکشن سے بہت مشابہت رکھتی ہے جس کی وجہ سے صارفین اس تصویر پر کافی دلچسپ تبصرے کر رہے ہیں اور انہیں اسپن بولر قرار دے رہے ہیں۔
انٹرنیٹ پر گلوکارہ کو آسٹریلیا کے سابق اسپن بولر شین وارن اور بریڈ ہوگ سمیت دیگر بولرز سے ملایا جارہا ہے۔
ایک اکاؤنٹ سے ٹیلر سوئفٹ کے لیے لکھا گیا کہ ٹیسٹ میں مایوس کُن کارکردگی کے بعد انہیں انگلینڈ ویمن کرکٹ ٹیم میں شامل کیا جائے گا۔
ایک اکاؤنٹ سے اداکارہ کو کرکٹ گراؤنڈ میں باقاعدہ بولنگ کراتے ہوئے بھی دکھا دیا گیا۔
ایک شخص نے گلوکارہ کی تصویر کو بھارتی اسپن بولر کی تصویر کے ساتھ موازنے کے لیے بھی پیش کردیا۔
ایک اکاؤنٹ سے ٹیلر سوئفٹ اور شاداب خان کی تصویر بھی ساتھ لگائی گئی۔
اس کے علاوہ بھی دیگر اکاؤنٹس سے گلوکارہ کی تصویر پر دلچسپ تبصرے کیے جارہے ہیں۔
